கல்விபெறு

கல்விபெறு அன்பே கல்விபெறு
   காலத்தால் அழியாத கல்விபெறு
சொல்லிய கருத்தெல்லாம் உனதாகி
   சுடர்விட அன்பே கல்விபெறு
கல்விபெறு மொழிக் கல்விபெறு
   கருத்தினைப் பகிர்ந்திட கல்விபெறு
கல்லியே புதையலைக் கைக்கொள்ள
   கவின்மிகு தாய்மொழிக் கல்விபெறு
பொருள்பெருக்க தொழில் கல்விபெறு
   பொறியினை யாள கல்விபெறு
பொருள்வனப்பு,தரம்,மதிப்பு மூன்றுயர்த்த
   புதியன படைக்கும் கல்விபெறு.

சுமதிசுடர்