தேடலால் துறைகண்டோம்

உறவுகாக்கும் தேடல்தான் அரசியலாய் ஆச்சு;
   உழைப்புகாக்கும் தேடல்தான் பொருளியலாய் ஆச்சு;
உடல்காக்கும் தேடல்தான் மருத்துவமாய் ஆச்சு;
   ஒழுங்கியக்க தேடல்தான் அறிவியலாய் ஆச்சு;
சுவடிகாக்கும் தேடல்தான் வலையியலாய் ஆச்சு;
   தொகுத்தவற்றுள் தேடல்தான் ஒப்பியலாய் ஆச்சு;
அறம்காக்கும் உயர்வான வாழ்வியலைத் தேடு;
   அதன்விளைவாய் அமைதியான உலகவாழ்வைக் காண்போம்.

சுமதிசுடர்